La gazzetta dei Carpini

Il compleanno della mamma di don Danilo

A fine luglio don Danilo, don Stefano e vari amici e familiari hanno festeggiato in pizzeria l'ottantesimo compleanno di mamma Maria.
Per l'occasione don Danilo ha recitato alla madre una tenerissima poesia in dialetto veneto che pubblichiamo più in basso.

Mamma Maria
(sottotitolo: "Ottanta")

Cara mama Maria,
(el più bel nome che ghe sia)
stasera te digo na poesia
te la digo pian pian
in dialeto venessian

Ancùo xe otant'ani giusti giusti!
La Bibbia dise
che ghe riva i più robusti
ma robusti de fisico o... robusti de taglia?
Mama, sta tenta! La balansa no sbaglia...

Ma partimo dall'inizio dell'avventura
co' undese fradei la gera dura
ma no ti gavevi paura de 'ndar vanti
i xe cressui tuti quanti

'Sta riceta de la nona Carolina e del nono Nei!
I la usava anca dopo, co i nevodi gera putei:
vien qua caro: "polenta, grana e sopressa,
manca solo de 'ndar a Messa",

dopo el lavoro in fabrica coi mobili de legno
'na sera un giovanoto ga lassà el segno
Gianfranco de nome, sposo per amor
dal cielo adesso el ne compagna col cuor

Papà Franco e mama Maria no ga badà a spese
dopo un ano xe nato Danilo Barlese
un puteo tranquio, già a tre ani el russava
e de giorno el zogava, parlava e magnava

Par andar ben a scuola e cressar san
mama Maria ghe dava sempre la Nutella col pan
a un certo punto de la storia, signore e signori,
dopo averghene combinae de tuti i colori
'sto bocia del 63
ga incontrà Marco Cè

E dopo un pochi de ani
nel seminario venessian
el Signor lo ga vossuo
prete diocesan

Mama Maria, me gaveva dito
"pensighe ben col cuor e co' la testa"
e dopo aver pregà, la me ga fato festa.
Aver un fio prete pol essar complicà
prima a Jesolo col papà la me ga giutà,
dal 94 a Mestre, azion cattolica e gioventù
par mi: lava, stira e cusina sempre più

Dopo 'na parentesi a Zelarin
Scola me dise pian pianin:
te mando paroco a Carpenéo
e ti vedarà che essar prete sarà proprio beo!

E cussì ai vespri de la festa non ti xe mai mancada
anzi, el giorno de la visita pastoral ti xe cascada
quanta gente che te ga curà e aiutà!
El Patriarca lo gaveva dito
la Providenza no mancarà

Sie ani xe passai co 'sta comunità
e improvisamente xe rivà la novità
parte tuti: Beniamino, Scola e anca mi,
a Carpenéo ti resti ti!

Cara mama,
otanta i xe tanti
ma de ti e del to soriso
ghemo ancora bisogno tuti quanti

Baston, dentiera e borseta ben tacada,
i sarà otanta, ma no ti xe indormensada!

Ancùo el Signor ne regala 'sto momento
par augurarte de rivar ai cento
e par dirte tutti insieme in pizzeria
te volemo ben, mama Maria!!!

Un'ultima rima me permeto
mi te dago un bel baseto.

Danilo

Pagine: 1 2 3 4 5 6 7 8 9 10

Avanti »

Consulta l'archivio